Türkmenistanyň Prezidenti Serdar Berdimuhamedowyň Italiýa Respublikasyna amala aşyran resmi saparynyň çäklerinde iki ýurduň arasynda dürli ugurlarda hyzmatdaşlyk etmek boýunça ylalaşyklara gol çekildi. Olaryň hatarynda dokma pudagy hem bar.
“Watan” habarlar gepleşiginde bellenilip geçilişi ýaly, hormatly Prezidentimiz türkmen-italýan işewürler maslahatynda eden çykyşynda Türkmenistanyň Italiýa bilen köp ýyllardan bäri dokma pudagynda netijeli hyzmatdaşlyk edýändigini belledi we şu gezekki saparyň çäklerinde bu ugurda gol çekilen ylalaşyklaryň aýdyň subutnama bolup durýandygyny belledi.
- dokma senagatynda hyzmatdaşlyk etmek barada Türkmenistanyň Dokma senagaty ministrligi bilen Italiýanyň “Marzoli” kompaniýasynyň arasynda özara düşünişmek hakynda ähtnama.
- dokma senagatynda hyzmatdaşlyk etmek barada Türkmenistanyň Dokma senagaty ministrligi bilen Italiýanyň “Itema” kompaniýasynyň arasynda özara düşünişmek hakynda ähtnama.
- dokma senagatynda hyzmatdaşlyk etmek barada Türkmenistanyň Dokma senagaty ministrligi bilen Italiýanyň “Sawio” kompaniýasynyň arasynda özara düşünişmek hakynda ähtnama.
- Türkmenistanyň Energetika ministrligi bilen Italiýanyň “Petro Fiorentini” kompaniýasynyň arasynda özara düşünişmek hakynda ähtnama gol çekildi.
Şeýle hem türkmen-italýan işewürler forumynyň çäklerinde Türkmenistanda öndürilýän önümleriň sergisi guraldy.