BILIM

Türkmen talyplary halkara himiýa olimpiadasynda 57 medal gazandy

Magtymguly adyndaky Türkmen döwlet uniwersitetinde himiýa dersi boýunça geçirilen IV halkara olimpiadanyň jemi jemlenip, onuň bilen ugurdaşlykda guralan «Himiýany okatmagyň usulyýetini kämilleşdirmekde innowasion tehnologiýalaryň orny» atly halkara ylmy-amaly maslahatyň ýapylyş dabarasy geçirildi.

Dabaranyň ahyrynda himiýa dersi boýunça IV halkara olimpiadada üstünlikli çykyş edip, ýokary netijeleri görkezen talyplar medallar hem-de diplomlar bilen sylaglanyldy. Halkara ylmy-amaly maslahata işjeň gatnaşan professor-mugallymlara bolsa şahadatnamalardyr ýadygärlik sowgatlar gowşuryldy.
Olimpiada şahsy görnüşde A hem-de B derejeler boýunça geçirilip, A derejede himiýa hünäri boýunça okap bilim alýan talyplar, B derejede hem beýleki hünärlerde okaýan ýaşlar özara bäsleşdiler.

Meseleler ýokary okuw mekdep maksatnamasyna laýyklykda organiki himiýa, fiziki himiýa, organiki däl himiýa, analitiki himiýa boýunça taýýarlanyldy. A dereje ýazmaça görnüşinde, B dereje test görnüşinde geçirildi.

Şeýlelikde, A derejede baýrakly orunlaryň 63-si kesgitlenip, şolardan ýeňijileriň 14-si birinji, 17-si ikinji, 32-si bolsa üçünji orna mynasyp boldular. Şeýle hem B dereje boýunça baýrakly orunlaryň 57-si kesgitlenip, onda ýaşlaryň 12-si birinji, 17-si ikinji hem-de 28-si bolsa üçünji orny eýelediler.

Bäsleşige 120-den gowrak gatnaşyjy medal gazandy. Hususan-da, A kategoriýa 14 altyn, 17 kümüş we 32 bürünç medal, B kategoriýa 11 altyn, 19 kümüş we 27 bürünç medal bilen sylaglandy. Türkmenistandan gatnaşan talyplar ajaýyp üstünlik görkezip, jemi 57 medal gazandylar.

Ýene-de okaň

Türkmenistanda Lu Ban ussahanasyny döretmek boýunça nobatdaky duşuşyk

Türkiýaniň Özdemir Baýraktar adyndaky Milli Tehnologiki talyp haklary maksatnamasyna kabul edişlik başlady

Täze Strategiýa :emeli aň arkaly bäsdeşlige ukyply ýokary hünär biliminiň milli gurşawyny döretmek göz öňünde tutulýar.

“Türkmenistan” awiakompaniýasy: uçarbeletlik üçin dalaşgärleri okuwa çagyrýar

Himiýa dersi boýunça IV halkara olimpiadanyň açylyş dabarasy geçirildi

Türkmenistanyň bilen Russiýanyň bilim hyzmatdaşlygynyň ýol kartasyna gol çekildi