Türkmenistanyň daşary işler ministri Raşid Meredow “Merkezi Aziýa – Hindistan” dialogynyň 4-nji ministrler duşuşygyna gatnaşdy.
Duşuşykda Merkezi Aziýa ýurtlary bilen Hindistan Respublikasynyň arasyndaky hyzmatdaşlygyň esasy ugurlary ara alnyp maslahatlaşyldy, ulag we logistika, sebit hyzmatdaşlygy, terrorçylyga garşy göreş we öňdebaryjy tehnologiýalary ösdürmek ýaly ugurlar boýunça pikir alşyldy.
Merkezi Aziýa sebitinde bilelikdäki taslamalaryň durmuşa geçirilmegine aýratyn üns berildi we “Merkezi Aziýa-Hindistan” dialogynyň ileri tutulýan ugurlary kesgitlendi.
Forumyň jemleri boýunça daşary syýasat edaralarynyň ýolbaşçylary tarapyndan bilelikdäki beýannama kabul edildi, onda “Merkezi Aziýa – Hindistan” formatynyň çäginde köptaraplaýyn hyzmatdaşlygy çuňlaşdyrmak baradaky umumy garaýyşlar beýan edildi.