Belarus Respublikasynyň paýtagty Minsk şäherinde XXXII halkara kitap ýarmarkasy geçirilýär. Oňa Türkmenistan döwletimiz hem gatnaşýar.
Üstümizdäki ýylda Beýik Watançylyk urşunda gazanylan ýeňşiň 80 ýyllygy bellenilýändigi üçin bu gezekki kitap sergisiniň esasy mowzuklarynyň biri hem bu şanly senä bagyşlandy.
Minsk şäherindäki esasy kitap we metbugat pudagynyň sergisine 20-den gowrak döwlet 500-e golaý diwarlyk bilen gatnaşdy. Gatnaşyjy döwletleriň hatarynda – Braziliýa, Wenesuela, Germaniýa, Eýran, Gazagystan, Türkiýe, Siriýa, şeýle hem sergä ilkinji gezek gatnaşýan Birleşen Arap Emirlikleri ýaly döwletler bar.
Açylyş dabarasynda edilen çykyşlarda kitabyň bilimleriň esasy hazynasydygy hem-de durmuşyň sazlaşygy bolmagynda galýandygy bellenildi.
Bu iri halkara sergi-ýarmarkasynda Türkmenistan döwletimiziň hem diwarlygy ýerleşdirildi. Türkmenistanyň diwarlygy sergä gatnaşyjylardan uuly gyzyklanma döretdi. Diwarlykda türkmen halkynyň Milli Lideriniň hem-de Türkmenistanyň Prezidentiniň kitaplary bilen bir hatarad ýurdumyzyň dürli ugurlardaky üstünlikleri açyp görkezýän kitapdyr žurnallar ýerleşdirildi.