Efiopiýa Afrika yklymynyň iň uly halkara howa menzilini gurmagy meýilleşdirýär. Howa menziliniň taslamasynyň bahasy 6 milliard dollara barabar bolar.
“Fana” teleradioýaýlymynyň beren habaryna görä, “Ethiopian Airlines” toparynyň baş müdiri Mesfina Taseu bu howa menziliniň ýurduň paýtagtynyň 17 kilometr uzaklygyndaky Bişoftu şypahana şäherinde guruljakdygyny habar berdi. Täze howa menziliniň 35 inedördül kilometre deň bolar.
Halkara howa menziliniň birinji tapgyrynda her ýyl 60 million ýolagça hyzmat eder. Onuň ikinji tapgyrynda hyzmat ediljek ýolagçylaryň sany 100 million ýeter. Howa menzili birbada 4 uly uçaryň gonmagyna mümkinçilik berer.
Afrika yklymynyň iň çalt depginde ösýän “Ethiopian Airlines” kompaniýasy täze howa menziliniň dizaýnynyň işlenip düzülmegi üçin DAR konsalting topary bilen ähtnama baglaşdy.
Häzirki wagtda “Ethiopian Airlines” howa menzili her ýyl 20 million ýolagça hyzmat berýär.