Gruziýanyň türgeni Nino Salukwadze bassyr 10-njy Olimpiýa oýunlaryna gatnaşyp, bu ugurda özboluşly rekordy goýdy. Ol yzly-yzyna 10 gezek Olimpiýa oýunlaryna gatnaşan ilkinji zenan türgendir.
Mundan ozal, kanadaly atly sportuň türgeni Rişar Millar 10 gezek Olimpiýa oýunlaryna gatnaşyp, rekord goýupdy. Ol soňky gezek 2012-nji ýylda Olimpiýa oýunlarynda çykyş edipdi. Kanadaly türgen 1972-nji, 1976-njy, 1984-nji, 1988-nji, 1992-nji, 1996-njy, 2000-nji, 2004-nji, 2008-nji we 2012-nji ýyllarda geçirilen Olimpiýa oýunlaryna gatnaşypdy.
55 ýaşyndaky Nino Salukwadze 27-nji iýulda Pariž Olimpiadasynda pnewmatik pistoletde ok atmak boýunça ýaryşda çykyş edip, Olimpiýa oýunlaryndaky çykyşyny tamamlady.
Salukwadze ilknji gezek 1988-nji ýylda SSSR-iň düzüminde Olimpiýa oýunlaryna gatnaşyp, 25 metr aralygyna ok atmakda altyn medal gazanypdy. Ol 2008-nji ýyldaky Pekin Olimpiadasynda Gruziýa döwletine wekilçilik edip, bürünç medal gazanypdy.
Gruzin türgen 1988-nji ýylda Günorta Koreýanyň Seul şäherinde geçirilen Olimpiýa oýunlaryndan bäri geçirilip gelinýän dünýäniň iň iri sport ýaryşyna gatnaşýar. Ol bu döwürde 3 altyn medal gazandy.