Ýurdumyzda mukaddes Gurban baýramy 16-17-18-nji iýunda ýokary derejede bellener.
Şunuň bilen baglylykda, Türkmenistanyň Prezidenti Serdar Berdimuhamedow Gurban baýramyny bellemek we 16-njy iýundaky dynç gününi 19-njy iýuna — çarşenbe gününe geçirmek baradaky Permana gol çekdi. Bu barada «Watan» habarlar gepleşiginde bellenip geçildi.
Türkmen halkynyň asyrlardan gözbaş alyp gaýdýan ruhy-ahlak gymmatlyklaryny aýawly saklamak, ata-babalarymyzdan miras galan milli däp-dessurlarymyzy yzygiderli ösdürmek, sahawatlylyk, hoşniýetlilik, ynsanperwerlik ýaly asylly ýörelgelerimizden ugur alyp, Berkarar döwletiň täze eýýamynyň Galkynyşy döwründe merdana, ruhubelent halkymyzyň agzybirligini, jebisligini has-da berkitmek maksady bilen, şeýle hem Türkmenistanyň Zähmet kodeksiniň 81-nji maddasyna laýyklykda, karar edýärin:
1. Türkmen halkynyň milli baýramy bolan Gurban baýramyny 2024-nji ýylyň 16-17-18-njy iýunynda bellemeli.
2. 2024-nji ýylyň 16-njy iýunyndaky dynç gününi 19-njy iýuna çarşenbe gününe geçirmeli.
3. Şu Permanyň ýerine ýetirilmegini eýeçiliginiň görnüşine garamazdan, ähli edaralar, kärhanalar we guramalar üpjün etmeli.