Russiýanyň Prezidenti Wladimir Putiniň çakylygy boýunça 1941 — 1945-nji ýyllaryň Beýik Watançylyk urşunda gazanylan Ýeňşiň 79 ýyllygy mynasybetli guraljak dabaralara hormatly myhman hökmünde gatnaşan hormatly Prezidentimiz Serdar Berdimuhamedow Aleksandr bagyndaky näbelli esgeriň ýadygärligine gül goýmak dabarasyna gatnaşdy.
Beýik Watançylyk urşunda gazanylan Ýeňşiň 79 ýyllygy mynasybetli Russiýanyň paýtagty Moskwa şäheriniň merkezindäki Gyzyl meýdanda dabaraly harby ýöriş geçirildi.
Harby ýöriş tamamlanandan soňra Russiýanyň Prezidenti Wladimir Putin bilen bir hatarda Türkmenistanyň Prezidenti Serdar Berdimuhamedow, Belarusyň Prezidenti Aleksandr Lukaşenko, Gazagystanyň Prezidenti Kasym-Žomart Tokaýew, Özbegistanyň Prezidenti Şawkat Mirziýoýew, Täjigistanyň Prezidenti Emomali Rahmon, Gyrgyzystanyň Prezidenti Sadyr Žaparow we beýleki myhmanlar Gyzylmeýdandaky Aleksandr bagyndaky näbelli esgeriň ýadygärligine gül desselerini goýdy.
Näbelli esgeriň ýadygärligi – harby şöhratyň ählumumy ýadygärligidir. Bu ýadygärlik 1966-njy ýylda Aleksandr bagyna ýerleşdiridi.