BIZNES

“Türkmenpoçta” poçta aragatnaşyk kompaniýasynyň täze edara binasy gurlar

“Türkmenpoçta” poçta aragatnaşyk kompaniýasynyň täze merkezi edara binasy gurlar. Bu barada sanly ulgam arkaly geçirilen Ministrler Kabinetiniň mejlisinde Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýew habar berdi.

“Watan” habarlar gepleşiginde bellenilip geçilişi ýaly, “Türkmenpoçta” poçta aragatnaşyk kompaniýasynyň täze edara binasy 5 gatdan ybarat bolar. Täze desgada iş we tehniki serwer otaglary, müşderileri bilen işlemek üçin operatorlaryň iş otaglaryny we mejlisler zalyny ýerleşdirmek we olary döwrebap enjamlar bilen üpjün etmek, häzirkizaman aragatnaşyk ulgamyny gurnamak, işgärler üçin ähli amatly şertleri döretmek göz öňünde tutulýar.

2,24 gektar meýdandaky desganyň çäginde tehniki we kömekçi binalary, sport meýdançasyny rezerwuary, tehniki desgalary we awtoduralgany ýerleşdirmek meýilleşdirilýär.

Bu taslamanynyň durmuşa geçirilmegi poçta hyzmatlaryna sanly ulgamlary we öňdebaryjy tehnologiýalary giňden ornaşdyrmaga mümkinçilik berer.

 

Ýene-de okaň

“Bäherden” keramiki önümler kärhanasyny işe giriziler

Türkmenistan bilen Owganystan demirýol ulgamynda täze ähtnamalara gol çekdiler

Masato Kanda AÖB-nyň 11-nji prezidenti boldy

Senagatçylar we telekeçiler birleşmesi maýa goýumlary çekmek boýunça forum geçirýär

Türkmen telekeçileri Iordaniýadaky abraýly oba hojalyk sergisine çagyrylýar

Türkiýäniň türki döwletlerine eksporty artýar