Fransiýanyň “PSŽ” topary 12-nji gezek ýurduň Naýbaşy kubogyny gazandy. Duşuşyk Fransiýanyň Pariž şäherindäki meşhur “Park de Prens” stadionynda geçirildi.
Naýbaşy kubogy almak ugrundaky duşuşykda “PSŽ” topary “Tuluza” toparyny 2:0 hasabynda ýeňdi. Duşuşygyň 3-nji minutynda Li Kan In hem-de 44-nji minutynda Kilian Mbappe tapawutlandy.
Şeýlelikde, “PSŽ” topary ähli ýaryşlarda ýeňilmän gelýär. Olaryň ýeňilmän gelýän duşuşyklarynyň sany 9-a deň boldy. Soňky gezek bu topar 2023-nji ýylyň 7-nji noýabrynda Çempionlar ligasynyň çäklerinde “Milan” toparyndan 2:1 hasabynda utulypdy.
Fransiýanyň iň güýçli topary 12-nji gezek Superkubogy gazanyň, bu ýaryşda rekord goýdy. Bu görkeziji boýunça “PSŽ” toparyna iň ýakyn topar “Lion” toparydyr we bu toparyň gazanan kubogy 8-e deňdir.