“Ýüpek ýoly” halkara rallisiniň 7-nji tapgyry geçirildi. Ol Russiýanyň Saratow bilen Wolgograd sebitlerini birleşdirdi. Bu tapgyryň umumy aralygy 430 kilometre deň boldy. Şeýlelikde, bu tapgyr tutuş ýaryş boýunça iň uzyn aralyk boldy.
Türkmenistanly türgenleriň bäsleşýän T2 kategoriýasynda ýene-de öňdeligi rus türgeni Anton Melnikow eýeläp gelýär. Rus türgeni umumy hasapda 1,5 sagatlyk artykmaçlyk gazandy. Sanawyň ikinji tapgyryna “Rus” toparynyň türgeni Leonid Petrow ýerleşdi. Düýnki tapgyrda ikinji orunda barýan Türkmenistanyň Awtomobil sporty federasiýasynyň türgeni Maksatmyrat Daňatarow 7-nji tapgyrda 45 minutlyk ýitgi bilen 3-nji orna ýerleşdi.
Ýewraziýanyň iň uly ralli ýaryşynyň tamamlanmagyna 2 tapgyr galdy.
Ýewraziýada iň uly ýaryşlaryň biri bolan bu rallä Russiýanyň, Belarusyň, Hytaýyň, Fransiýanyň, Italiýanyň, Şweýsariýanyň, Serbiýanyň, Ysraýylyň, Kipriň, Albaniýanyň, Latwiýanyň, Litwanyň, Moldowanyň, Gazagystanyň, Gyrgyzystanyň, Özbegistanyň, başga-da käbir ýurtlaryň toparlary-da gatnaşýarlar.
Türgenler ýaryşy 15-nji iýulda Moskwa Kremliniň diwarlarynyň eteginde ýerleşýän Wasilýewskiý spuskynda tamamlarlar.