Türkiýe Respublikasynda işlenip düzülen we öndürilen “TOGG” ady bilen meşhurlyk gazanan elektrikli ulag Türkmenistana getirildi. Türkiýe Respublikasynyň Prezidenti Rejep Taýyp Ärdogan Türkmenistanyň Prezidentine hem-de türkmen halkynyň Milli Liderine “TOGG” kysymly elektrikli awtoulaglary sowgat hökmünde iberdi.
Şu gün ýurdumyzda Türkmenistanyň Prezidentiniň gatnaşmagynda ilkinji “akylly” şäher bolan Arkadag şäheri açylyp ulanmaga berildi. Bu dabaralara gatnaşmak üçin ýurdumyza Türkiýe Respublikasynyň senagat we tehnologiýalar ministri Mehmet Fatih Kajyry hem-de Türkiýe Respublikasynyň Palatalar we biržalar birleşiginiň başlygy Rifat Hisarjyklyoglu hem-de dünýäniň 50-den gowrak döwletinden köp sanly myhmanlar gatnaşdy.
Şol dabaralaryň çäklerinde Türkiýe Respublikasynyň senagat we tehnologiýalar ministri Mehmet Fatih Kajyry hem-de Türkiýe Respublikasynyň Palatalar we biržalar birleşiginiň başlygy Rifat Hisarjyklyoglu Türkmenistanyň Prezidentine Türkiýe Respublikasynyň Prezidenti Rejep Taýyp Ärdoganyň adyndan “TOGG” kysymly elektrikli awtoulagy sowgat berdi.
Türkiýäniň wekiliýet agzalary Türkmenistanyň Prezidentine awtoulaglaryň açarlaryny uly hormat bilen gowşurdylar. Soňra Türkmenistanyň Prezidentine bu awtoulag barada maglumat berdiler.