Ulag we kommunikasiýalar agentliginiň Baş direktory M.Çakyýew «Sanly çözgüt — 2023» atly innowasion taslamalaryň bäsleşigini geçirmäge görülýän taýýarlyk işleri barada hasabat berdi. Bu barada “Watan” habarlar gepleşiginde bellenilip geçildi.
Bellenilişi ýaly, bu bäsleşigiň maksady Türkmenistanyň Prezidentiniň beren tabşyryklaryndan ugur alyp, ýurdumyzda programma üpjünçiligini işläp düzýän we innowasion oýlap tapmalar bilen meşgullanýan ýaşlary ýüze çykarmakdan hem-de höweslendirmekden ybaratdyr.
Döwlet Baştutany «Sanly çözgüt — 2023» innowasion taslamalar bäsleşigini geçirmek baradaky teklibi makullady hem-de onuň ýaşlaryň zehinini we ukybyny ýüze çykarmakda aýratyn ähmiýetli boljakdygyny belläp, bu babatda agentligiň ýolbaşçysyna anyk tabşyryklary berdi.
Ýurdumyzda indi birnäçe ýyldan bäri «Sanly çözgüt» atly innowasion taslamalar bäsleşigini geçirmek asylly däbe öwrüldi. Bu bäsleşigiň jemleri her ýyl ýurdumyzda geçirilýän «Türkmentel» atly halkara sergisiniň we ylmy maslahatynyň çäklerinde jemlenýär.