Russiýanyň döwlet sirki, Wernadskiý şaýolundaky Moskwanyň uly döwlet sirki hem-de Reňkli bulwardaky Nikulin adyndaky Moskwa sirkiniň artistleri Türkmenistana geler.
Russiýanyň sirk ussatlary bu gezek diňe bir Aşgabat şäherinde däl, eýsem ýurduň beýleki welaýatlarynda-da öz çykyşlaryny görkezerler. Ildeşlerimiziň wagtlaryny şadyýan geçirmekleri, medeniýetli dynç almaklary üçin görkeziljek sirk oýunlarynyň aşakdaky tertipde görkezilmegi meýilleşdirilýär:
- 10-njy iýuldan 7-nji awgusta çenli Türkmenistanyň Döwlet sirkinde;
- 9-njy awgustdan 18-nji awgusta çenli Daşoguz welaýatynyň «Türkmeniň ak öýi» binasynda;
- 22-nji awgustdan 31-nji awgusta çenli Lebap welaýatynyň «Türkmeniň ak öýi» binasynda;
- 3-nji sentýabrdan 12-nji sentýabra çenli Mary welaýatynyň «Türkmeniň ak öýi» binasynda;
- 15-nji sentýabrdan 24-nji sentýabra çenli Balkan welaýatynyň «Türkmeniň ak öýi» binasynda.
Russiýanyň sirk ussatlary Türkmenistanda rus sirkiniň altyn gaznasyna giren oýunlary, üýtgeşik çykyşlary ýerine ýetirerler.
Giriş petekleri her gün sagat 10:00-dan 19:00-a çenli Döwlet sirkiniň kassasynda satylýar.