Suwuklandyrylan gaz (1 tonnasy üçin $485) we nah ýüplügi (1 kg 2,65) çarşenbe güni, 4-nji ýanwarda Türkmenistanyň Döwlet haryt-çig mal biržasyndaky söwdalaşyklarda uly islege eýe boldy.
Owganystandan gelen telekeçiler «Türkmennebit»döwlet konserni bilen jemi 5 müň tonna suwuklandyrylan gazy $2,4 mln satyn almak üçin geleşik baglaşdylar.
Azerbaýjanyň we Birleşen Arap Emirlikleriniň wekilleri Türkmenistanyň Dokma senagaty ministrligi bilen nah ýüplügini satyn almak barada geleşik baglaşdylar.
Azerbaýjana Dokma ministrliginiň 506,8 müň kg önümi $1,3 mln, BAE-ne bolsa – onuň 272,9 müň kg 11,9 mln. manada eksport ediler.