Özbegistanyň Prezidenti Şawkat Mirziýoýew Daşkent şäherinde guruljak Olimpiýa şäherçesiniň düýbüni tutdy. Bu barada Özbegistanyň Prezidentiniň metbugat gullugy habar berýär.
Özbegistanda sporty ösdürmäge aýratyn ähmiýet berilýär. Soňky 5 ýylda 4 trillion sum sarp edilip, 118 desga gurlup, bar bolan iri 110 desga abatlandy.
Şol bir wagtda Özbegistan iri sport ýaryşlaryny guraýar. 2021-nji ýylda agyr atletika boýunça dünýä çempionayt geçirildi. 2022-nji ýylda dzýudo boýunça dünýä çempionaty geçiriler.
Bu şäherçede 2025-nji ýylda Aziýa Oýunlary we Aziýa Paraoýunlary geçiriler. Oňa yklymyň 45 döwletinden geljek türgenler sportuň 20 görnüşi boýunça bäsleşerler.