8-nji mart güni Türkmenistanyň söwda-senagat edarasynda Halkara zenanlar güni mynasybetli geçirilen uly dabarada hormatly Prezidentimiz sanly ulgam arkaly ýurdumyzyň zenanlaryny, gelin-gyzlaryny, enelerini mähirli gutlap, çykyş etdi. Milli Liderimiziň aýratyn göni ýaýlymda gutlag aýtmagy dabara gatnaşyjylarda ýatdan çykmajak täsirleri goýdy.
Şol täsirli pursat mynasybetli Türkmenistanyň Milli Geňeşiniň, Türkmenistanyň Zenanlar birleşiginiň Merkezi geňeşiniň, Türkmenistanyň Kärdeşler Arkalaşyklarynyň milli merkeziniň bilelikde gurnamaklarynda mähriban Arkadagymyzyň ýolbaşçylygynda “Halkara zenanlar güni mynasybetli geçirilen baýramçylyk dabaralaryna bagyşlanan “Göwünlerde buýsanç, dillerde alkyş Size Arkadag” atly hoşallyk maslahaty geçirildi. Maslahaty Türkmenistanyň Zenanlar birleşiginiň Merkezi geňeşiniň başlygy, Türkmenistanyň Kärdeşler Arkalaşyklarynyň milli merkeziniň başlygy Akjemal Durdyýewa açdy.
Ýurdumyzyň dürli kärlerinde zähmet çekýän gahryman zenanlar, deputatlar, talyp gyzlar, mugallymlardyr, lukmanlar, telekeçi zenanlardyr ak saçly eneleriň buýsançly çykyşlary maslahatyň many-mazmuny has-da baýlaşdyrdy.
Maslahatyň ahyrynda dabara gatnaşyjylaryň adyndan Türkmenistanyň Prezidenti Gurbanguly Berdimuhamedowyň adyna ýüzlenme okaldy.
Bägül Kakalyýewa
TDIM-niň Halkara gatnaşyklary institutynyň talyby.