Ýewropa yklymynyň iň abraýly kubogyny gazanmak ugrundaky ýaryş tamamlandy. Çempionlar ligasynyň finalynda Fransiýanyň “PSŽ” topary bilen Germaniýanyň “Bawariýa” topary duşuşdy. Koronawirus ýokanjy sebäpli bu duşuşyk Portugaliýanyň paýtagty Lissabon şäherinde geçirildi.
Ilkinji gezek Çempionlar ligasynyň finalyna çykan Neýmarly, Mbappeli “PSŽ” toparyna kubok gazanmak başartmady. “Bawariýa” topary garşydaşyny duşuşygyň 59-njy minutynda Komanyň geçiren goly bilen 1:0 hasabynda utdy we kubogy eýeledi. Şeýlelikde, “Bawariýa” 2019/2020-nji möwsümde Ýewropanyň şasy boldy.
- “Bawariýa” Çempionlar ligasynda ýeňiş gazanmak bilen bu kubogy 6-njy gezeke eýeledi we 3 kubogy eýelemegi başardy. Topar iýun aýynda Germaniýanyň çempiony bolup, iýul aýynda bolsa Germaniýanyň kubogyny eýeledi. Häzir bolsa Çempionlar ligasynyň ýeňijisiboldy. Mundan ozal, “Bawariýa” şeýle üstünlige 2012/2103-nji ýylyň möwsüminde ýetipdi. Şeýle üstünlik gazanan başga bir topar Ispaniýanyň “Barselona” toparydyr. Olar hem 2009-njy hem-de 2015-nji ýyllarda 3 kubogy eýelemegi başarypdy.
- “Bawariýa” Çempionlar ligasyndaky 6 kubogyny eýeledi. Kubok eýelemek ugrundaky ýaryşda “Liwerpul” bilen deňleşdi. Çempionlar ligasynyň kubogyny iň köp gazananlar “Real Madrid” 13 gezek hem-de “Milan” 7 gezek.
- “Bawariýa” üçin üstümizdäki ýylyň möwsümi şowly boldy. Wagtyndan öň Germaniýanyň çempiony boldy. Germaniýanyň kubogyny eýeledi.
- “Bawariýa” topary Çempionlar ligasynda şowly çykyş etdi. 11 duuşşykda ýeňiş gazandy. Çempionlar ligasynyň Portugaliýada oýnalan çärýek, ýayrm we final duşuşyklarynda hem ýeňiş gazanan “Bawariýa” abraýly kubogy eýelemegi başardy.
- “Bawariýa” toparynyň tälimçisi Hans-Diter Flik bu topara geçen ýylyň noýabr aýyndan bäri tälim berýär. Eýýäm 3 kubogy eýeledi.
- Çempionlar ligasyndaky ýeňiş getiren gol “Bawariýanyň” bu ýaryşdaky 500-nji goly boldy. mundan ozal, bu ýaryşda iň köp gol geçiren toparlar “Barselona” (517) we “Real Madrid” (567) boldy.
- “Bawariýanyň” derwezebany Manuel Noýer Çempionlar ligasynynda ýeňiö gazanan 3-nji kapitan derwezebandyr. Mundan ozal, Peter Şmeýhel 1999-njy ýylda “Mançester Ýunatýted” bilen hem-de Iker Kasilýas 2014-nji ýylda “Real” bilen bu ýaryşda ýeňiji bolupdy.
- Bu gezekki Çempionlar ligasynyň gahrymany “Bawariýanyň” polşaly hüjümçisi Robert Lewandowskidir. Ol iň köp gol geçiren futbolçy boldy. Bu ýaryşda 15 gezek tapawutlandy.
- “Bawariýa” 2 gezek 3 kubogy eýelän futbolçylar: derwezeban Manuel Noýer, goragçylar Dawid Alaba we Jerom Boateng, ýarym goragçy Hawi Martines we hüjümçi Tomas Mýuller.