Nýu-Ýorkyň haýwanat bagy geçen asyryň başynda bolup geçen bir ýakymsyz waka üçin 114 ýyldan soňra ötünç sorady.
«AR» neşiriniň ýazmagyna görä, 1906-njy ýylda afrikaly Ota Benga atly bir adam maýmunlaryň kapasasynda birnäçe günläp saklanylypdyr.
Has takygy, Ota 1906-njy ýylyň sentýabr aýynda birnäçe günläp maýmynlaryň kapasasynda ýaşamaly boldy. Ol bu ýerden kynlyk bilen gaçyp, çagalar öýüne bardy. Biraz soňra bu ýerden hem Linçburg şäherine gaçdy.
114 ýyl gijigen bu ötünç şu ýylyň maý aýynda afro-amerikaly Jorj Floýd bilen bagly heläkçilikli waka daýanýar. Umuman, şu günler ýurtda deňhukuklylyk hereketleri dowam edýär.