Hytaýyň “Huawei” kompaniýasy dünýäde smartfon satuwynda öňdeligi eýeleýär. Bu barada “TheElec” portaly habar berýär.
Maý aýynyň görkezijileri boýunça hytaýly kompaniýanyň tutuş dünýä boýunça söwdasy 19,7 göterime deň boldy. Bu ugurda ikinji orny 19,6 göterim bilen Günorta Koreýanyň “Samsung” kompaniýasy eýeledi. “Apple” kompaniýasynyň söwdasy 13 göterime, “Oppo”, “Xiaomi” we “Vivo” kompaniýalarynyň söwdasy bolsa 8 göterime deň boldy.
Aprel aýynda “Huawei” söwdasy 19 göterim, “Samsung” kompaniýasynyňky bolsa 17 göterime barabar boldy.
Şeýlelikde maý aýynda tutuş dünýäde 81,97 million smartfon satyldy. Aprel aýyndaky görkeziji bolsa 69,37 milliona deňdir.