«Ak ýaprak» hojalyk jemgyýetine degişli kärhanada «7 gün» haryt nyşanly şerbetleriň görnüşleri 11-e ýetirildi. Bu barada «Ahal durmuşy» gazeti habar berýär.
Kuwwatly kärhana Bäherden etrabynyň Sünçe geňeşliginiň çäginde ýerleşýär. Kärhananyň işläp başlamagy bilen bu sebitlere täze iş orunlarynyň 40-a golaýy döredi.
2014-nji ýylda gurlup, dabaraly ýagdaýda ulanylmaga berlen häzirki zaman kärhanasy Şwesiýanyň «Tetrapak», Türkiýäniň, Gollandiýanyň we Italiýanyň öňdebaryjy kompaniýalarynyň tehnologiýalary bilen enjamlaşdyrylandyr. Bu iň kämil, häzirki zaman tehnologiýalar ol ýerde sagatda 7 tonna şerbetli içgileri öndürmäge mümkinçilik berýär.