Eýran Yslam Respublikasynyň daşary işler ministri Abbas Arakçi resmi sapar bilen Türkmenistana geldi. Aşgabadyň halkara howa menzilinde Eýranyň daşary işler ministri Abbas Arakçini Türkmenistanyň daşary işler ministriniň orunbasary Ahmet Gurbanow we beýleki resmi adamlar garşylady. Bu barada Eýranyň resmi habarlar gullugy habar berýär.
Abbas Arakçi Aşgabada saparynyň çäklerinde resmi duşuşyklar geçirip, ikitaraplaýyn syýasy we ykdysady hyzmatdaşlygy pugtalandyrmak babatdaky ugurlary ara alyp maslahatlaşar.
Ikitaraplaýyn gatnaşyklar, sebitleýin we halkara wakalary, şeýle hem Eýran bilen Türkmenistanyň arasyndaky syýasy we ykdysady hyzmatdaşlygy güýçlendirmegiň ýollary onuň bir günlük saparynyň esasy mowzuklarynyň arasynda orun alýar.
Tähran bilen Aşgabadyň arasyndaky gatnaşyklar ýyllaryň dowamynda giňelmegini dowam etdirdi we iki tarap hem ikitaraplaýyn gatnaşyklary has-da ösdürmek üçin bar bolan mümkinçilikleri ulanmagyň zerurdygyny nygtaýarlar.