UEFA-nyň Çempionlar ligasynyň 1/4 finalynyň birinji oýnunda “Barselona” myhmançylykda “Pari Sen-Žermeni” 3:2 hasabynda utdy.
Ispan toparynyň düzüminde Rafinýa iki gol bilen tapawutlandy (37-nji, 62-nji minutlar), ýene bir goly Andreas Kristensen (77) geçirdi. “PSŽ-niň” düzüminde gollary ozalky “Barselonanyň” futbolçysy Usman Dembele (48) we Witor Ferreýra (50) girizdi.
Ispaniýanyň başga bir güýçli topary “Atletiko Madrid” bolsa, öz meýdançasynda Germaniýanyň Dortmunt şäheriniň “Borussiýa” toparyndan üstün çykdy. Ispaniýada geçirilen oýun 2:1 hasabynda tamamlandy.
“Atletikonyň” düzüminde Rodrigo de Paul (4) we Samuel Lino (32), “Borussiýadan” Sebastýan Aller (81) gol bilen tapawutlandy.
Bu toparlaryň arasyndaky jogap oýunlary ýen-de 6 günden geçiriler.