Leonardo da Winçi tarapyndan çekilen aýy kellesiniň nusgasy «Christie’s» bäsleşikli söwda edarasynda satyldy. Eser 8,9 million funt-sterlinge (takmynan 12,3 million dollar) satyn alyndy.
Bu aha italýan suratkeşiniň işleriniň satuw rekordydyr. «Surat Leonardo da Winçiniň suratkeş hökmünde ussatlygynyň subutnamasydyr» diýip, bäsleşikli söwda öýüniň «Twitter»-däki sahypasynda aýdylýar.
Eser 7×7 santimetrlik ölçegdäki gyzyl-açyk sary kagyza kümüş galam bilen çekilipdir. Ol 1480-nji ýyllaryň birinji ýarymynda döredilipdir.
Berilýän habarlarda suraty satyn alan adamyň ady aýan edilmeýär. Iň gymmat çeperçilik eserlerinde öňki rekord hem Leonardo Da Winçä degişlidir. Onuň «At we çapyksuwar» atly eseri 8,1 million funt-sterlinge satyn alnypdy.