Hosep Gwardiolanyň tälim berýän “Mançester Siti” topary 2020/2021-nji ýylyň möwsüminde Angliýanyň futbol boýunça çempionatynyň çempiony boldy.
Angliýanyň çempionatynyň 36-njy tapgyrynda “Lester” topary çempionatda ikinji orunda barýan “Mançester Ýunaýted” toparyny 2:1 hasabynda utandan soňra “Mançester Siti” toparynyň çempionlygy belli boldy.
“Mançester Siti” topary çempionatyň tamamlanmagyna 3 hepde galanda çempionlygyny yglan etdi. Topar 80 utuk toplap, soňky 4 ýylyň dowamynda 3-nji çempionlygyny eýeledi.
Olar geçen möwsümde çempionlygy “Liwerpul” toparyna aldyrypdy.
“Mançester Siti” topary umumylykda 7-nji cempionlygyny gazandy. Onuň 5-sini topara eýeçilik edýän “Abu Dhabi United Group” kompaniýasynyň şeýh Mansur ben Zaýed al-Naýan döwründe gazandy.