Birleşen Arap Emirlikleriniň paýtagty Abu-Dabide “Games of the Future” (Geljegiň oýunlary) atly halkara sport ýaryşynyň açylyş dabarasy dabaraly ýagdaýda geçirildi.
Dabaranyň hormatly myhmanlarynyň arasynda BAE-niň Prezidenti Şeýh Mohammed bin Zaýed Al Nahaýýan, Azerbaýjanyň Prezidenti Ilham Aliýew, Russiýa Federasiýasynyň hökümet başlygynyň orunbasary Tatýana Golikowa, RF-niň sport ministri Mihail Degtýarew, öňki futbolçy Luiş Figu we köp sanly myhmanlara gatnaşdy.
Ýaryşlar 18-nji dekabrdan 23-nji dekabra çenli 11 ugur boýunça geçiriler. Olaryň hatarynda fijital-futbol, fijital-basketbol, fijital göreş sungatlary, fijital-şuterler, fijital tanslar, dron ýaryşlary we robotlaryň söweşi bar.
Umuman alanyňda, BAE-de geçirilýän Geljegiň oýunlaryna 30-dan gowrak ýurtdan 141 topar we takmynan 500 türgen gatnaşýar.
Geljegiň oýunlarynyň ilkinji tapgyry 2024-nji ýylda Kazan şäherinde geçirildi.