Türkiýe Respublikasynyň Prezidenti Rejep Taýýip Ärdogan Halkara parahatçylyk we ynanyşmak forumyna gatnaşmak üçin Türkmenistanyň paýtagty Aşgabada geldi.
Ýokary derejeli myhman Aşgabadyň halkara howa menzilinde Türkmenistanyň Ministrler Kabinetiniň Başlygynyň orunbasary Mämmethan Çakyýew we beýleki resmi adamlar tarapyndan kabul edildi.
Soňra Türkiýe Respublikasynyň Prezidenti Rejep Taýýip Ärdoganyň türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen duşuşygy boldy.
Prezident Ärdogan we onuň maşgalasy Emine Ärdogan ýolbaşçylygyndaky türk wekiliýetiniň düzüminde daşary işler ministri Hakan Fidan, energetika we tebigy serişdeler ministri Alparslan Baýraktar, Prezidentiň aragatnaşyk müdiri Burhanettin Duran, Milli aňtaw gullugynyň başlygy İbrahim Kalyn, Prezidentiň daşary syýasat we howpsuzlyk boýunça geňeşçisi Akif Çagataý Kylyç we Türki Döwletler Guramasynyň Aksakgallar geňeşiniň başlygy Binali Ýyldyrym bar.