Beýik Britaniýanyň parlamentiniň lordlar palatasynyň agzasy Jon Alderdaýs Beýik Britaniýanyň Azerbaýjan we Merkezi Aziýa boýunça söwda wekili wezipesine bellendi. Bu barada “Kazinform” agentligi habar berýär.
Beýik Britaniýanyň söwda we täjirçilik ministri 32 söwda wekillerini wezipä belläp, olaryň britan işewürliginiň halkara bazarda ornuny pugtalandyrmaga, eksport mümkinçiliklerini giňeltmäge we daşary ýurt maýa goýumlaryny çekmäge mümkinçilik döretjekdiklerini belledi.
Söwda wekilleri Beýik Britaniýanyň ilçileriniň, ýokary komisarlarynyň hem-de söwda komisarlarynyň işleriniň üstüni ýetirerler.
69 ýaşyndaky Jon Alderdaýs Demirgazyk Irlandiýanyň syýasatçysy bolup, Liberal Demokratik partiýasynyň agzasy we mundan soňra Beýik Britaniýanyň Azerbaýjan we Merkezi Aziýa boýunça söwda wekili wezipesini hem alyp barar.