Azerbaýjanyň Döwlet nebit kompaniýasy (SOCAR) bilen “Esyasoft Holding” we “Presight” kompaniýasynyň bilelikdäki kärhanasy bolan “IntelliGrid” (BAE) kompanivasy ähli hyzmat ediş çäginde ultra-döwrebap akylly gaz toruny dolandyrmak ulgamyny ornaşdyrmak barada şertnama baglaşdy.
Degişli ylalaşyga Bakuwda başlanan “COP29” howa maslahatynyň çäginde gol çekilendigi habar berilýär.
Gol çekişlik dabarasyna Azerbaýjanyň ykdysadyýet ministri, “SOCAR” kompaniýasynyň Gözegçilik Geňeşiniň başlygy Mikail Jabbarow hem gatnaşdy.
Resminamalara SOCAR-yň başlygy Röwşan Najaf we “IntelliGrid” kompaniýasynyň baş direktory Bipin Çandra gol çekdi.
Resminama laýyklykda, “IntelliGrid” kompaniýasynyň emeli intellekt mümkinçilikleri maglumat seljerişini, çaklaýyş hyzmatyny we hakyky wagtda gözegçiligi alyp barmak üçin ulanylar. Bu gaz sarp edilişini optimallaşdyrar, ýitgileri azaldar we umumy iş netijeliligini ýokarlandyrar.