Ertir — 19-njy sentýabrda Türkmenistanyň ykdysady üstünliginiň ýurt Garaşsyzlygynyň 29 ýyllygyna bagyşlanan sergisi we «Sanly ykdysadyýet — ykdysady ösüşiň möhüm ugry» atly ylmy-amaly maslahat öz işine başlar.
«Türkmenistan» gazetinde çap edilen bildirişde görkezilişi ýaly, bu sergi Aşgabat şäheriniň Çandybil şaýolunyň 143-nji jaýynda — Türkmenistanyň Söwda-senagat edarasynyň binasynda geçirilýär.
Türkmenistanyň Ministrler Kabinetiniň ýakynda geçirilen mejlisinde döwlet Baştutanyna habar berlişi ýaly, sergä ýerli ministrlikleriň, pudak edaralarynyň we kompaniýalaryň 70-den gowragynyň gatnaşmagyna garaşylýar.
Sergi we maslahat öz işini 20-nji sentýabrda tamamlar.
Gündelik durmuşa degişli habarlary biz Durmuş sahypamyza ýerleşdirýäris.
