Ynan meniň barlygyma,
Ýekeligiň ezýet berse,
Meň dünýäme dolan käte
Şowsuz günler gujak gerse.
Hasyl bolmaz käte hyýal,
Ahmyr bolar arzuwlaram.
Ýöne bilgin gökde uçan,
Gaýdyp geler ak guwlaram
Şoň üçinem mensiz geçen,
Aýry günden kine etme.
Öýke bolsa bolsun ýöne,
Ykbalymdan asla ýitme.
Hyýallaryň elden gidip,
Ýada düşse köne düwün.
Ynan meniň barlygyma,
Gussa batsa käte göwün.
Gunça Orazowa