«Türkmenistanyň 2020-nji ýyl üçin maýa goýum Maksatnamasynda» ýurdumyzyň nebitgaz toplumy üçin ýokary mukdardaky serişdeler göz öňünde tutuldy. Şoňa laýyklykda, üstümizdäki ýylda Türkmenistanyň nebitgaz pudagy uly möçberdäki maýa goýumy özleşdirer ― diýlip, «Türkmenistan» gazeti habar berýär.
Bu serişdeleriň belli bir bölegi Türkmenistan — Owganystan — Pakistan — Hindistan gaz geçirijisiniň Türkmenistanyň çäginden geçýän böleginiň — 207,2 kilometriniň gurluşygy üçin ulanylar. Mundan başga-da, ol Döwletabat — Derýalyk sowma gaz geçirijiler ulgamynyň 58,2 kilometrlik 3-nji şahasyny çekmäge-de mümkinçilik berer.
Merkezi Garagum gaz käninde gaz gysyjy desgasyny gurmak üçin, Malaý gaz käninde ýylda 30 milliard kub metr gaza niýetlenen gaz basyjy desgany gurmak üçin, Mary welaýatynyň çäklerinde 6 sany guýuda buraw işlerini geçirmek üçin sarp ediljek maýa goýumlar nebitgaz pudagynyň ösdürilmeginde, ony innowasion tehnologiýalar bilen üpjün etmekde, diwersifikasiýalaşdyrmakda aýratyn ähmiýetli bolar.