Hamal (guzy 21.03 — 20.04)
Bu gün işleriňiziň köpelmegi we meýilleşdiren zatlaryňyzyň hemmesine birbada ýetişmekde kynçylyk çekmegiňiz mümkin. Käbir meseleler garaşyşyňyzdan köp wagt talap eder. Şonuň üçin günüň başynda etmeli işleriňizi tertipleşdirip, iň möhümlerinden başlamak maslahat berilýär. Işdeşleriňiz bilen ýüze çykyp biljek ownuk düşünişmezliklere aşa ähmiýet bermäň.Günortadan soň garaşylmadyk bir iş teklibi ýa-da täze wezipe barada habar alyp bilersiňiz. Esasy zat, öz güýjüňize dogry baha bermekdir.
Sowur (öküzçe 21.04 — 20.05)
Söýgi durmuşynda Bu gün ýatdan çykmajak pursatlaryň biri bolup biler. Söýgüliňiz bilen uzak wagt bäri araňyzda galan bir mesele barada aç-açan gürleşmäge mümkinçilik dörär. Ýalňyş düşünjeleri aradan aýyrmak üçin birek-biregiňizi ünsli diňläň. Ýeke gezýän Sowurlaryň durmuşynda täze bir tanyşlygyň döremegi hem mümkin.Emma ilkinji täsire görä howlukmaç netije çykarmakdan saklanyň. Duýgularyňyza wagt beriň, sebäbi käbir gatnaşyklar wagtyň geçmegi bilen has-da many kazanýar.
Jöwza (ekizekler 21.05 — 21.06)
Maşgala bilen bagly meseleler Bu gün esasy ünsüňizi özüne çekip biler. Öýüňizde edilmeli işler, ýakynlaryňyzyň haýyşlary ýa-da öňünden meýilleşdirilmedik bir çykdajy bilen ýüzbe-ýüz bolmagyňyz mümkin. Maşgala agzalarynyň arasynda käbir mesele boýunça pikir tapawudy ýüze çyksa-da, siziň araçylyk etmegiňiz ýagdaýy gowulaşdyryp biler.Çagalaryňyz bilen has köp wagt geçirmek hem ýakymly täsir galdyrar. Öýüňizde kiçijik üýtgeşiklik etmek ýa-da bilelikde meýilnama düzmek hemmeleriň keýpini göterip biler.
Seretan (leňňeç 22.06 — 22.07)
Bu gün özüne, daşky keşbine we şahsy isleglerine üns bermek islärler. Soňky günlerde başgalaryň aladasy bilen özüňizi biraz ýatdan çykaran bolmagyňyz mümkin. Indi bolsa halaýan işleriňize wagt aýyrmagyň, täze zatlary öwrenmegiň ýa-da öňden bäri meýilleşdirýän üýtgeşmeleriňize girişmegiň wagty geldi. Kimdir biri bilen geçirilen söhbetdeşlik özüňize başgaça garamagyňyza sebäp bolup biler.Öz mümkinçilikleriňizi pes görmäň. Käwagt täze başlangyç üçin diňe özüňize bolan ynam ýeterlikdir.
Eset (ýolbars 23.07 — 23.08)
Maliýe meselelerinde oýlanyşykly hereket etmek zerur bolar. Bu gün garaşylmadyk çykdajy ýüze çykyp ýa-da öňden meýilleşdirilmedik bir zat satyn almak islegi döräp biler. Girdejiňizi we çykdajylaryňyzy deňeşdirip, haýsy zatlaryň hakykatdan-da zerurdygyny kesgitlemäge çalşyň. Şeýle-de, goşmaça girdeji gazanmak bilen bagly täze pikir ýüze çykyp biler. Bu pikiriň geljekde peýdaly bolmagy mümkin, ýöne ony durmuşa geçirmek üçin ilki bilen ähli şertleri öwrenmek gerek.
Sünbüle (gyz 24.08 — 23.09)
Dostlaryňyz we daş-töweregiňizdäki adamlar bilen gatnaşyklar aýratyn ähmiýete eýe bolar. Uzak wagt bäri habarlaşmadyk tanyşyňyzdan jaň ýa-da habar alyp bilersiňiz. Bir dostuňyzyň şahsy meselesi barada siziň bilen maslahatlaşmagy hem mümkin. Şeýle ýagdaýda berjek maslahatyňyzdan öňürti, onuň pikirini ünsli diňlemek has ýerlikli bolar.Köpçülikleýin duşuşyk ýa-da öňünden meýilleşdirilen çäre günüňizi gyzykly geçirip biler. Täze tanyşlyklar hem geljekde peýdaly gatnaşyklara öwrülip biler.
Mizan (terezi 24.09 — 23.10)
Hünär we geljekki maksatlar bilen bagly meseleler Bu gün öňe çykar. Öňden bäri garaşyp ýören jogabyňyzy alyp ýa-da işiňizde täze mümkinçilik barada eşidip bilersiňiz. Ýolbaşçylar bilen geçiriljek söhbetdeşlikde öz pikirleriňizi ynamly beýan etmekden çekinmäň. Käbir meýilnamalaryňyzyň amala aşmagy garaşyşyňyzdan köp wagt alsa-da, yzygiderli hereket etmek netijesiz galmaz.Iş bilen şahsy durmuşyň arasyndaky deňagramlylygy hem ýatdan çykarmaň.
Akrap (içýan 24.10 — 22.11)
Täze bilim almak, syýahat etmek ýa-da durmuş garaýyşlaryňyzy giňeltmek bilen bagly pikirler günüňize täzelik goşar. Belki-de, öňden bäri gyzyklanyp ýören ugruňyz boýunça öwrenmäge girişersiňiz. Uzakdaky bir adamdan hoş habar almak ýa-da syýahat bilen bagly teklip eşitmek mümkin. SEYLE HEM Resminamalar we resmi işler bilen meşgullanýan bolsaňyz, ownuk jikme-jiklikleri ünsden düşürmäň.Täze tejribelere açyk bolmak size garaşylmadyk mümkinçilikleriň gapysyny açyp biler.
Kowus (keman 23.11 — 21.12)
Bu gün käbir meseleleriň daşyndan däl-de, içinden çözülmegi zerur bolar. Esasan-da, bilelikdäki maliýe, bergi, karz ýa-da başga biriniň borçnamalary bilen bagly ýagdaýlara üns beriň. Pul meselesinde düşnüksiz şertlere razylyk bermekden saklanyň. Ýakyn adamyňyz bilen möhüm bir mesele barada maslahatlaşmagyňyz mümkin. Şeýle söhbetdeşlik öňden bäri alada döredýän ýagdaýyňyza aýdyňlyk girizip biler.Ähli zady bir günüň içinde çözmäge çalyşman, ädimme-ädim hereket ediň.
Jedi (owlak 22.12 — 20.01)
Şahsy gatnaşyklarda möhüm bir gün bolup biler. Söýgüliňiz ýa-da durmuş ýoldaşyňyz bilen geljekki meýilnamalar barada gürrüňdeşlik etmek üçin amatly pursat dörär. Käbir Jedi wekilleri üçin öňden bäri dowam edip gelýän düşünişmezlikleriň sebäbini anyklamak mümkinçiligi peýda bolar. Ýeke gezýänler bolsa özüne gyzykly görünýän adam bilen ýakyndan tanyşyp bilerler.Gatnaşyklarda diňe garaşmak däl, öz duýgularyňyzy hem beýan etmek möhümdir. Yhlasly söhbetdeşlik köp soraglara jogap tapmaga kömek eder.
Daluw (gowa 21.01 – 20.02 )
Gündelik durmuşda sagdyn endikleriňize we wagt tertibiňize üns bermeli gün. Soňky döwürde köp işi bir wagtda ýerine ýetirmäge çalyşmagyňyz ýadawlyga sebäp bolan bolmagy mümkin. Bu gün işleriňizi ýeňilleşdirmegiň, gereksiz aladalary azaltmagyň we özüňize dynç almak üçin wagt goýmagyň ähmiýetine düşünersiňiz. Iş ýerinde hem tertip-düzgüni saklamak köp zady aňsatlaşdyrar.Öýüňizde arassaçylyk we tertip bilen bagly işler bilen meşgullanmak hem ruhy taýdan rahatlyk berip biler.
Hut (balyk 21.02 — 20.03)
Bu gün durmuş size şatlyk we döredijilik üçin täze mümkinçilikleri hödürläp biler. Halaýan işiňiz, sungat, aýdym-saz ýa-da sport bilen meşgullanmak keýpiňizi göterer. Çagalar bilen bagly ýakymly waka ýa-da olaryň gazanan üstünligi sizi begendirip biler. Söýgi durmuşynda romantik duşuşyk ýa-da garaşylmadyk sowgat ähtimal.Ýeke gezýän Hutlar üçin hem täze duýgularyň döremegi mümkin.Özüňizi çäklendirmäň, ýöne ýüze çykýan mümkinçiliklere paýhas bilen çemeleşiň.
Hormatly okyjylarymyz!
Üns beriñ! Eger-de araňyzda daşary ýurtda bilim almak isleýänleriňiz bar bolsa, şeýle hem Türkiýä wiza almak isleýän bolsaňyz, resminamalar toplumynyň terjimesi üçin “Makul Hyzmat” Terjime Merkezine ýüz tutup bilersiňiz. Onuň salgysy: Aşgabat şäheri, Ankara köçe 25, (Aýtakow-Ýubileýniý), A Blok, 401
Habarlaşmak üçin…. +993 63 78-96-73, 96-48-55
E: Mail : makulhyzmat@gmail.com