Beýik Britaniýanyň hökümeti 2035-nji ýylda ýurduň çäginde benzin we dizel ýangyjy bilen işleýän hem-de gibrid ulaglaryň satuwyny gadagan etmegi meýilleşdirýär. Bu barada ýurduň Premýer-ministri Boris Jonsonyň kanselýariýasynyň ýaýradan beýanatynda bellenip geçilýär.
– Beýik Britaniýada howa goýberilýän hapa gazlaryň möçberini azaltmak üçin benzin we dizel ýangyjy bilen işleýän ulaglaryň satuwyny gadagan etmek göz öňünde tutulýar. Mundan ozal, 2040-njy ýylda gadaganlyk girizmek meýilleşdirilipdi. Häzir bu maksady 2035-nji ýylda amala aşyrmak göz öňünde tutuldy. Täze maksatnamada gibrid ulaglary hem goşuldy – diýlip, beýanatda bellenilip geçilýär.
şeýle maksatnama bilen Beýik Britaniýanyň hökümeti ekologiýany goramak üçin iň berk kanuny durmuşa geçirmegi meýilleşdirýär. şonuň netijesinde, 2050-nji ýylda hapa gazlaryň möçberini iň pes derejä ýetiriler. şeýle kanunçylyk namasy geçen ýylyň iýunynda milli parlamentiň gün tertibine girizilipdi.