Russiýanyň M.P.Çumakow adyndaky ylmy merkeziniň işläp düzen “Kowiwak” sanjymynyň raýat dolanyşygyna goýberiljekdigi mälim edildi. Bu işler şu ýylyň 28-nji martynda başlaýar.
Russiýanyň wise-premýeri Tatýana Golikowa habarçylara beren beýanatynda bu barada belläp geçdi. Ol täze rus sanjymynyň ilkinjileriniň ulanyşyga goýberiljekdigini belledi.
Şeýle hem ol aprel aýynda “Sputnik V” sanjymynyň 12 million dozadan gowragynyň rus raýatlaryna elýeterli boljakdygyny belledi.
Häzirki wagtda Russiýa tarapyndan işlenip düzülen koronawirus ýokanjyna degişli 3 sanjym bar. Olar: “Sputnik V”, “Epiwakkorona” hem-de “Kowiwak” sanjymlarydyr.
“Sputnik V” sanjymy Türkmenistan döwletimiz bilen bir hatarda 55 döwletde bellige alyndy.