Angliýanyň “Arsenal” toparynda çykyş eden asly türk bolan Germaniýanyň raýaty Mesut Özil resmi ýagdaýda Türkiýäniň “Fenerbahçe” toparyna geçdi. Özil bilen türk toparynyň arasynda 3,5 ýyllyk şertnama baglaşyldy.
Tejribeli futbolçy soňky 7 ýyldan bäri “Arsenalyň” düzüminde çykyş edip gelýärdi. Özil bu toparynyň düzüminde ençeme kuboklary we üstünlikleri gazandy.
32 ýaşly futbolçy 2020-nji ýylyň mart aýyndan bäri “Arsenal” toparyň düzüminde çykyş etmeýärdi. ol toparyň düzüminde özbaşdak türgenleşik geçip geldi.
Öziliň “Arsenaldaky” şertnamasynyň möhleti iýunda tamamlanmalydy, ýöne taraplaryň özara ylalaşygy esasynda bu şertnama 16-njy ýanwarda ýatyryldy. Özil London toparynyň düzüminde 254 duşuşykda çykyş edip, 44 gol geçirdi. Özil Germaniýanyň milli ýygyndysy bilen 2014-nji ýylda dünýä çempiony bolupdy.
Özil häzirki wagtda “Fenerbahçe” toparynda ilkinji türgenleşiklerine başlady. Onuň “Arsenal” topary döwründäki tälimçisi Arsen Wenger bu transferiň gyşky möwsümdäki iň uly transfer bolandygyny belledi.
Şeýle hem Ronaldo, Messi ýaly futbolçylar hem-de Jože Mourinýo, Hosep Gwardiola ýaly tälimçiler hem bu transferiň ýerlikli transfer bolandygyny belläp, Özile täze üstünlikler arzuw etdiler.
Gündelik durmuşa degişli habarlary biz Durmuş sahypamyza ýerleşdirýäris.
