Germaniýanyň täze federal kanslerini saýlajak umumy saýlawlar geçirilýär. Ýurduň parlamenti bolan Bundestagyň 21-nji çagyrylyşynyň saýlawlary boýunça ses berişlik geçirildi.
Ýurduň federal kanslerine dalaşgär bolan Olag Şolz we Fridrih Merz ses berdiler.
Ýurduň häzirki Federal Kansleri we Sosial-demokratik partiýasynyň dalaşgäri Olaf Şolz Potsdam şäherindäki Söwda-senagat edarasynda gurnalan saýlaw uçastogynda ses berdi.
Germaniýadaky saýlawlarda 59.2 million saýlawçynyň ses bermek hukugy bar. 29 partiýa we 4 müň 406 dalaşgäriň bäsleşýän saýlawlary ýurduň täze ýolbaşçy düzümini kesgitlär.