Marynyň Kemine adyndaky döwlet drama teatry şu günler «Arçman rowaýaty» atly täze drama eserini sahnalaşdyrýar ― diýip, «Edebiýat we sungat» gazeti habar berýär.
Eseriň edebi esasyny «Baýramaly» şypahanasynyň lukmany Amanmyrat Allakow ýazdy. Eserde Türkmenistanyň Prezidentiniň «Türkmenistan — melhemler mekany» atly kitabyndan ugur alynýar.
Pýesa Türkmenistanyň Prezidentiniň sözleri bilen başlaýar we taryhy rowaýat bilen baglanyşyp gidýär. Taryhy pýesada Arçmanyň öz maksadyna ýetip bilmezligi üçin gurnalýan gapma-garşylyklardan üstün çykyşy ussatlyk bilen beýan edilýär. Arçmany duçar bolan derdinden halas edýän gudratly suwuň adamlara melhem bolmagy türkmen topragynyň ýerasty mineral suwlara, çeşmelere baýdygyny subut edýär.