Elbetde, ählimiz 2020-nji ýylyň täze «Samsung» smartfonlary bilen basymdan-basym tanyşmak isleýändiris. Koreýa Respublikasynda ýerleşýän kompaniýa özüniň täze smartfonlarynyň tanyşdyryş dabarasynyň 11-nji fewralda boljakdygyny mälim etdi.
Kompaniýanyň resmi saýtynda ýazylmagyna görä, tanyşdyryş dabarasy Amerikanyň Birleşen Ştatlarynyň San-Fransisko şäherinde bolar. Şol gün bu ýerde «Samsung Galaxy Unpacked» atly dabara bolar.
Şol dabarada kompaniýa «Samsung Galaxy S20» tapgyryna degişli smartfonlar bilen birlikde «Galaxy Fold 2» atly bükülýän displeýli samrtfonyny hem dünýä jemgyýetçiligine görkezer.