«Koka-Kola» peýdalymy ýa zyýanly?» diýen jedel birtüýsli tamamlananok. Ýakynda bolsa dünýä metbugatynda bu datly içginiň peýdaly taraplarynyň ýene-de dördüsi baradaky maglumatlar çap edildi. Olar barada bilmek «Atavatan-Türkmenistanyň» okyjylary üçin hem gyzykly bolsa gerek.
1. Tiz siňdiriş
Alymlaryň we lukmanlaryň aýtmagyna görä, «Koka-Kola» iýmiti tiz siňdirmäge ýardam berýär. Aşgazan kesellerinden ejir çekýänlere hem käte «Koka-Kola» içmek maslahat berilýär.
2. Ünsi jemlemäge ýardam berýär
«Koka-Kolanyň» düzümindäki minerallar gan akymyna täsirini ýetirip, adamyň ünslüligini güýçlendirýär.
3. Energiýa çeşmesi
Dogry, işjeňlige gök we miwe önümleriniň hem peýdasy kän. Alymlar bolsa edil şeýle peýdany «Koka-Kolanyň» hem berýändigini aýdýarlar.
4. Ýürek bulanmany aýyrýar
Alymlaryň aýtmagyna görä, «Koka-Kolanyň» düzümindäki şeker ýürek bulanmany aradan aýyrýar.