ABŞ-nyň awiagurluşyk kompaniýasy “Boeing” 2020-nji ýylyň ýanwar aýynda hiç hili sargyt alyp bilmedi. Mundan ozal, şeýle ýagdaý 58 ýyl mundan ozal, ýagny 1962-nji ýylyň ýanwarynda bolupdy.
Şol bir wagtda “Boeing” kompaniýasynyň esasy bäsdeşi “Airbus” kompaniýasy 2020-nji ýylyň ýanwar aýynda 274 sany uçar önümçilik sargydy aldy.
“Boeing” kompaniýasynyň “B737 Max” kysymly uçarlarynda ýüze çykan kemçilikler sebäpli sargyt almakda kynçylyk çekýär. Bu kompaniýa iň soňky gezek 2019-njy ýylyň noýabr aýynda Dubaý şäherinde geçirilen halkara awiasiýa sergisinde “SunExpress” kompaniýasyndan 30 sany uçar sargydy alypdy.
Şeýle hem bu meşhur kompaniýasy 23 ýyldan soňra maliýe ýitgisi çekdi. Kompaniýanyň 2019-njy ýyldaky ýitgisi 636 million dollara deň boldy.