Çalt-çaltdan ädimläp pyýada ýöremek, görlüp oturylsa, ynsan ömrüni 15 ýyl uzaldyp biljek eken. Muny Beýik Britaniýanyň Lester uniwersitetiniň alymlary ylmy tejribäniň üsti bilen subut etdiler.
«The Daily Mail» neşiriniň ýazmagyna görä, alymlar ortaça ýaşy 52-ä barabar bolan ýarym million töweregi adam bilen özboluşly synag geçirdi. Olar köplenç pyýada gezýän, özi hem gaty ýöreýän zenanlaryň ömür dowamlylygynyň ortaça 86,7 ýaşdan 87,8 ýaşa çenli, erkekleriň bolsa 85,2 ýaşdan 86,8 ýaşa çenli ýetip biljekdigini anykladylar.
Ýuwaş ýöreýän we asla az hereket edýän adamlaryň orta ömri bolsa zenanlarda 74, erkeklerde 64 ýaş diýip alyndy. Ortaça tizlikde ýöremek hem ýaşyň belli bir derejede uzamagy üçin peýdalydyr.