Ykdysady Hyzmatdaşlyk Guramasy (YHG) energetika ulgamyndaky hyzmatdaşlygy pugtalandyrmak üçin giň mümkinçiliklere eýedir.
Bu barada Azerbaýjanyň Hankendi şäherinde geçirilen Ykdysady Hyzmatdaşlyk Guramasynyň 17-nji sammitine gatnaşan Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow habar berdi.
Ol YHG ýurtlarynyň arasynda energetika syýasatyny utgaşdyrmak üçin ýörite utgaşdyryjy mehanizmi döretmegi teklip etdi.
R.Meredowyň bellemegine görä, Türkmenistan 2035-nji ýyla çenli YHG-niň maksatlaryny öz içine alýan täze maksatnama resminamasynyň kabul edilmegini möhüm hasaplaýar we gurama agza ýurtlaryň söwda-senagat palatalarynyň Geňeşini döretmegi teklip edýär.
Türkmenistanyň daşary syýasat edarasynyň ýolbaşçysy Azerbaýjanyň ýolbaşçylaryna bu sammiti ýokary derejede gurnandygy üçin minnetdarlyk bildirdi.