Türkmenistanyň daşary işler ministri Raşid Meredow Azerbaýjanyň ykdysadyýet ministri Mikail Jabbarow bilen duşuşdy. Bu barada Türkmenistanyň Daşary işler ministrligi habar berdi.
Taraplar şu gün Aşgabatda geçirilen türkmen-azerbaýjan hökümetara toparynyň 7-nji mejlisiniň ähmiýetini belläp, onda ikitaraplaýyn hyzmatdaşlygyň giň meseleleriniň ara alyp maslahatlaşylandygy bellenildi.
Söwda-ykdysady hyzmatdaşlygyň ösdürilmegi babatynda aýdylanda bolsa, söwda dolanyşygynyň yzygiderli ösýändigine üns çekildi. Şunuň bilen baglylykda, hyzmatdaşlygyň täze ugurlary gözlemegiň möhümdigi aýdylyp, taraplar söwda gatnaşyklaryny mundna beýläk-de giňeltmäge taýýardyklaryny belläp geçdiler.
Ýangyç-energetika pudagyndaky hyzmatdaşlyga aýratyn üns çekilip, hususan-da Azerbaýjana türkmen tebigy gazyny ibermegiň häzirki ýagdaýy we geljegi babatda pikir alşyldy. Şunuň bilen bilelikde, türkmen elektrik energiýasyny Azerbaýjana ibermegiň mümkinçilikleri maslahatlaşyldy.
Ulag-üstaşyr geçelgeler ugry boýunça ulaglaryň dürli görnüşleri babatda ýük gatnamalaryň yzygiderli artýandygy bellenildi. Şeýle hem deňir portlarynyň mümkinçiliklerinden giňden peýdalanmagyň möhümdigi bellenilip geçildi. Şeýle hem aragatnaşyk-kommunikasiýa ugrundaky hyzmatdaşlyga garaldy.