3-nji iýunda Gazagystan Respublikasynyň Prezidenti Kasym Žomart-Tokaýew Türkiýäniň saýlanan Prezidenti Rejep Taýyp Ärdoganyň çakylygy boýunça Ankara şäherine iş saparyny amala aşyrar. Bu barada Gazagystan Respublikasynyň Prezidenti metbugat gullugy habar berýär.
Şol gün Gazagystanyň Prezidenti Türkiýe Respublikasynyň Prezidentiniň wezipesine girişmek dabarasyna gatnaşar.
Mälim bolşy ýaly, Türkiýede 28-nji maýda prezident saýlawlarynyň ikinji tapgyry geçirildi. Şonda sesleriň 52,18 göterimi alan Rejep Taýyp Ärdogan gaýtadan ýurduň Prezidenti wezipesine 5 ýyl möhlet bilen saýlandy.
14-nji maýda geçirilen prezident we parlament saýlawlarynyň netijelerine görä, ýurduň parlamentiniň 63,49 göterimi täzelendi.