2026-njy ýylyň 18-nji aprelinde 5-nji Antalýa diplomatiýa forumynyň çäklerinde Türkmenistanyň daşary işler ministri Raşid Meredow Özbegistan Respublikasynyň daşary işler ministri Bahtiýor Saidow bilen duşuşdy.
Duşuşygyň dowamynda taraplar iň ýokary döwlet derejesindäki ynamly we yzygiderli gepleşikleriň netijesinde iki döwletiň arasyndaky hyzmatdaşlygyň ýokary derejesini bellediler.
Ministrler syýasy-diplomatik ugurdaky özara gatnaşyklaryň esasy ugurlaryny maslahatlaşdylar, şeýle hem ýakyn aýlarda geçirilmegi meýilleşdirilýän halkara çärelerine taýýarlyk meselelerine seretdiler.
Mundan başga-da, iki ýurduň arasynda söwda-ykdysady we medeni-ynsanperwer hyzmatdaşlygy ösdürmek boýunça pikir alşyldy.