DÜNÝÄ

Özbegistan Trampyň çakylygyna jogap hökmünde Gaza boýunça Parahatçylyk Geňeşine goşulmaga taýýar

Özbegistanyň Prezidenti Şawkat Mirziýoýew Ýakyn Gündogarda parahatçylygy berkitmek we düşünişmezlikleri düzgünleşdirmek boýunça halkara başlangyçlara, Gaza boýunça Parahatçylyk Geňeşiniň esaslandyryjy döwleti hökmünde goşulmaga taýýardygyny beýan etdi.

Bu barada Özbegistanyň Prezidentiniň metbugat sekretary Şerzod Asadow mälim etdi.

Onuň bellemegine görä, Özbegistan bu başlangyça goşulmak barada amerikan tarapyndan resmi çakylyk aldy.

“Özbegistan Respublikasyna Parahatçylyk Geňeşine esaslandyryjy döwlet hökmünde goşulmak teklip edildi. Döwlet Baştutanymyz amerikan kärdeşi Donald Trampa jogap hat iberip, Özbegistanyň Parahatçylyk Geňeşine esaslandyryjy döwlet hökmünde goşulmaga taýýardygyny beýan etdi”, — diýip ol belledi.

Prezident Mirziýoýew hatynda bu başlangyjy Ýakyn Gündogardaky köp ýyllyk jedelli meseleleri çözmekde, giň sebitde parahatçylygy we durnuklylygy üpjün etmekde möhüm ädim hökmünde garaýandygyny nygtady.

Related posts

Türkmenistanda 2030-njy ýyla çenli Milli tokaý maksatnamasy tassyklandy

Türkmen-gyrgyz toparynyň mejlisi geçiriler

Dünýäniň iň gymmat goýuny 490 müň dollara satyldy