BAE-niň “Flydubai” awiakompaniýasy Dubaý-Aşgabat-Dubaý ugry boýunça ilkinji ýolagçy gatnawyny amala aşyrdy. Bu gatnaw koronawirus pandemiýasy sebäpli 3 ýyldan soňra gatnawlaryň täzeden ýola goýulmagy bilen ýerine ýetirildi.
Dubaýdan 23-nji ýanwarda 23:55-de uçan uçar Aşgabat şäheriniň halkara howa menziline 03:25-de gelip gondy. Yzyna şol uçar 04:35-de uçup, Dubaýyň halkara howa menziline 06:30-da gondy.
Awiakompaniýa Aşgabat ugry boýunça her hepdäniň duşenbe we perşenbe günleri uçar gatnawlaryny ýerine ýetirer. Dubaýa bolsa, gatnawlar sişenbe we anna günleri amala aşyrylar.
Aşgabatda bu awiakompaniýanyň Seýitnazar Seýdi köçesiniň 19/1-nji jaýynda ýerleşýän salgysyndan biletleri satyn almak bolar. Goşmaça maglumatlar üçin telefon belgisi: 92-01-66