2026-njy ýylyň 12-nji awgustynda Türkmenistanyň Daşary işler ministri Raşid Meredow BMG-niň Türkmenistandaky hemişelik utgaşdyryjysy Sýaoszýun Greýs Wan bilen duşuşyk geçirdi.
Söhbetdeşler Türkmenistanyň Birleşen Milletler Guramasy bilen özara hyzmatdaşlygyň ileri tutulýan ugurlaryny, şeýle hem mundan beýläk-de ösdürmek babatdaky meseleleri maslahatlaşdylar.
Aýratyn üns öňde duran bilelikdäki çärelere we BMG-niň çäklerinde Türkmenistanyň halkara başlangyçlaryny ilerletmäge berildi. Şeýle hem Hazar deňziniň ekologiýa durnuklylygyny üpjün etmek we goramak boýunça bilelikdäki tagallalaryň wajyplygy bellenildi.