Angliýanyň milli çempionatynda çykyş edýän (“Premýer Liga”) “Liwerpul” topary gazanýan üstünlikleri bilen täze rekordlarynyň hem üstüni ýetirýär. Milli çempionatyň 23-nji tapgyrynda “Liwerpul” topary öz meýdançasynda “Mançester Ýunaýted” topary bilen duşuşdy. “Premýer Liga”-nyň 23-nji tapgyrynyň esasy duşuşygynda 2:0 hasabynda üstünlik gazanan germaniýaly tälimçi Ýurgen Kloppyň ýolbaşçylygyndaky “Liwerpul” topary 2109/2020-nji ýylyň möwsüminde 64 bal gazandy. “Liwerpula” ýeňiş getiren gollary Wan Deýk hem-de Mohammad Salah öz adyna ýazdyrdy.
Şeýlelikde bu görkeziji Ýewropanyň öňdebaryjy futbol çempionatlarynyň iň gowy görkezijisi boldy.
Mundan ozal, şeýle görkezijini 2017/2018 we 2013/2014-nji ýylyň möwsüminde degişlilikde “Mançester Siti” hem-de “Bawariýa” toparlary gazanypdy.
“Liwerpul” topary 22 tapgyrda 62 bal toplap, “Premýer Ligada” öňdeligi eýeleýär. Topar öz meýdançasy bolan “Enfild” stadionynda 52 duşuşykdan bäri ýeňilmän gelýär. “Liwerpul”-yň ýeňilmän gelýän güni 1001 deň boldy. Şu döwürde topar 42 duşuşykda ýeňiş gazanyp, 10 duşuşykda deňme-deň oýnady.
Olar çempionatdaky iň ýakyn bäsdeşi geçen ýylyň çempiony “Mançester Siti” toparyndan 16 bal öňde bolup, ätiýaçda bir oýny hem bar.